Translate

الثلاثاء، 18 مارس 2014

هحكيلكم معجزه للقديس ابانوب الشهيد العظيم بس حلوه اوي

.
.
هحكيلكم معجزه للقديس ابانوب الشهيد العظيم بس حلووووووووووه اووووي 

هناك في سمنود كان في راجل اسمه البدراوي باشا وكان عنده ابن متعصب جدا 
كان يروح كنيسة القديس ابانوب ويحدف من فوق السطح طوب فيقع علي ازوار ويجرحهم ويؤذيهم ..طبعا كاهن الكنيسه في الوقت ده زعل اوي ومش عارف يعمل ايه ...راح قدام ايقونة القديس ابانوب ورفاته وقاله بقي انت مش عارف تحمي كنيستك وزوارها من الواد ابن الباشا اما انت صحيح عيل صغير
طبعا القديس ابانوب سِخن وكلام ابونا حركه واللي حصل بعد كده شيء رائع وجميل ومثير .............
كالعاد بقي راح ابن البدراوي باشا يحدف طوب تاني وهو بيحدفها القديس ابانوب مسك منه الطوبه وحدفها بنفس طريقته فوقعت علي دماغ ابن الباشا وجرحته
جري ابن البدراوي يعيط لابوه ويقوله الحقني في واد في الكنيسه ضربني بالطوبه وعورني .......الباشا اتغاظ وناره قادت وقرر يبعت يجيب كاهن الكنيسه وقاله تقب وتغطس وتجيبلي الواد اللي ضرب ابني وعوره ....
رد الكاهن وقاله اجيبهولك ازاي ده الزوار كتير ودول اطفال كتير في الكنيسه هعرف ازاي؟؟ رد ابن الباشا وقال انا عارف شكله واقدر اطلعه من وسط مليون
الباشا قال لابونا الكاهن لو مجيبتش الولد اللي ضرب ابني هقفلك الكنيسه
ابونا قاله حاضر ...راح ابن الباشا للكنيسه مع ابونا وعلي باب الكنيسه
حصل الاتي : القديس ابانوب كان بيجري قدام كنيسته شمال ويمين رايح جاي كانه بيلعب فالولد شافه وشاور عليه وقال اهو اللي ضربني اهو
طبعا ابونا ضحك والقديس ابانوب عمال يجري شمال ويمين ويطلع لفوق ويختفي
الباشا شاف كده قال لابونا ده من الاولياء الصالحين وانا مش قدهم واخد ابنه ومشي ومن وقتها والزوار كتير والكنيسه كلها بركات
من رآوك يا قديس يا عظيم شهدولك يا حبيب يا يسوع
شفاعتك تكون مع جميعنا... امين



.
.

0 التعليقات :

إرسال تعليق